Супрацоўнікі міліцыі праводзяць спецыяльнае комплекснае мерапрыемства «Падлетак». У перыяд з 31 кастрычніка па 4 лістапада яны будуць адпрацоўваць аб'екты гандлю па выяўленні фактаў рэалізацыі алкагольных напояў і піва непаўналетнім, правераць па месцы жыхарства і вучобы падлеткаў уліковай катэгорыі. У рамках СКМ яны правядуць рэйды ў месцах масавага адпачынку моладзі. Гэта дазволіць папярэдзіць ўчыненне супрацьпраўных дзеянняў, выявіць парушэнні непаўналетнімі антыалкагольнага заканадаўства.

- Распіццё спіртных напояў, у тым ліку піва, з'яўленне ў стане алкагольнага ап'янення ў грамадскіх месцах з'яўляецца актуальнай праблемай, - падкрэслівае старшы інспектар па асаблівых даручэннях упраўлення аховы правапарадку і прафілактыкі УУС Віцебскага аблвыканкама Раман Бардзееў.

Ён нагадвае, што ў гэтым выпадку падлеткі прыцягваюцца да адміністрацыйнай адказнасці па артыкуле 17.3 КоАП Рэспублікі Беларусь па дасягненні 16-гадовага ўзросту. Інакш адказваць за іх паводзіны будуць бацькі. Артыкул 9.4 КаАП Рэспублікі Беларусь «Невыкананне абавязкаў па выхаванню дзяцей» прадугледжвае папярэджанне або накладанне штрафу ў памеры да дзесяці базавых велічынь.

Па словах Рамана Бардзеева, у перыяд прафілактычнага мерапрыемства асаблівая ўвага будзе нададзена выяўленню асоб, якія не дасягнулі 16-гадовага ўзросту, якія знаходзяцца пасля 22.00 па-за жыллём без суправаджэння бацькоў, апекуноў і папячыцеляў. У цяперашні час на Віцебшчыне пад кантролем супрацоўнікаў інспекцый па справах непаўналетніх тэрытарыяльных падраздзяленняў АУС знаходзяцца больш за 1300 падлеткаў, у дачыненні да якіх праводзіцца індывідуальная прафілактычная работа.