Аршанскі хакейны клуб адзін з лідараў сваёй лігі, а яго хатнія матчы па папулярнасці ў той жа лізе спаборнічаюць толькі з Баранавічамі. На матчы 3 лістапада, які прайшоў у Бабруйску фанаты падцвердзілі сваю прыхільнасць камандзе, а каманда свой узровень.

Яшчэ хвілін за 20 да матчу прыехаўшыя з Оршы фанаты паказалі, што сёняўняя атмасфера на матчы будзе залежыць цалкам ад нашых: крычалкі, песні, танцы і сцягі - у параўнанні з прыхільнікамі "Лакаматыва" мясцовыя выглядалі вельмі шэра. Дарэчы, мясцовы фан-сектар сабраў як мінімум разы ў чатыры меньш фанатаў чым гасцявы. Ды і тое фанаты Бабруйску не выйшлі на свой фан-сектар пасля другога перапынку.

Таму аршанцы адчувалі сябе як дома, пасля другога перяду некаторыя, нават, перамяшчаліся па Бабруйск-Арэне, каб за руку павітаць нашых хакеістаў пры выхадзе з распранальні.

Каманда таксама не падвяла. У Бабруйску аршанскі Лакаматыў перамог з лікам 2-4. Першы гол быў забіты ўжо на 14-ай сякундзе. Другі гол хакеісты суперніка забілі самі сабе. Дакладней гулец Бабруйска Мікіта Волес загнаў выпадкова шайбу ў браму сваёй каманды, зрабіўшы лік 0-2. У другім перыядзе аршанцы забілі яшчэ два галы, давёўшы лік да 0-4. А потым злёгку расслабіліся. За тры хвіліны да канца другога перыяду Фірсаў з Бабруйску змог даць хоць нейкую надзею бабруйчанам, зрабіўшы лік 1-4. Яшчэ адзін гол у браму Оршы змог забіць Волес - той самы які забіў другі гол сваёй камандзе, ён жа забіў і другі гол аршанцам - на 18-ай хвіліне 3-га перыяду. Бабруйчане меньш чым за дзве хвіліны да канца матчу памянялі свайго брамніка на яшчэ аднаго палявога гульца, але гэта ўжо не дапамагло. 2-4 і Лакаматыў, які і без таго безумоўны лідар у лізе яшчэ больш робіць адрыў ад супернікаў.