Абодва прадстаўнікі нашага рэгіёну ў чэмпіянаце Віцебскай вобласці па футболе - "Орша-2" і "Экамол" не здолелі выйграць свае матчы 2-га туру. Праўда, матчы склаліся зусім па-рознаму.
"Орша-2" на стадыёне ў Барані прымала "Полацкгаз". Першай прапусціла, аднак затым двойчы засмуціла брамніка гасцей. Але лік 2:1 не пратрымаўся да канца сустрэчы, палачане двойчы забілі. У выніку "Орша-2" прайграла 2:3. Цікава, што ў 1-м туры другая каманда Оршы з тым жа самым лікам саступіла ў гасцях дубровенскаму "Дняпру".
А вось "Экамол" з Аршанскага раёну адправіўся ў госці да каманды "Прамень" з Гарадка. Сціплы гарадоцкі клуб яшчэ ў першым тайме тройчы забіў у браму "Экамола". Аднак у другім тайме ініцыятыва належала ўжо прадстаўнікам нашага раёну, якія здолелі звесці матч унічыю 4:4. Пры гэтым быў выдалены брамнік "Промня".
