Так званая "паглыбленая інтэграцыя" дамову пра якую ўжо другі раз спрабуюць падпісаць Лукашэнка і Пуцін выклікала вельмі рэзкую рэакцыю з боку дэмакратычнага грамадства. Галоўная прэтэнзія - тэкст падпісваемых дамоваў не публікуецца і таму не вядома наколькі "глыбока" збіраюцца інтэграваць нашую краіну. У Мінску ў сувязі з гэтым прайшло ўжо чатыры масавыя акцыі пратэсту, яшчэ адна адбылася ў Гродна. Сваю акцыю правялі і ў Оршы.
Два дзесяткі актывістаў розных грамадскіх і палітычных арганізацый выйшла з бел-чырвона-белым сцягам і плакатамі на аршанскае гарадзішча. Разам маленькія плакаты ўтваралі надпіс "Мы за незалежнасць". Акцыя не была разлічана на масавасць, а насіла, хутчэй, сімвалічны характар.
