У рамках Дзяржаўнай інвестыцыйнай праграмы на 2020 год два будынкі ў Оршы атрымаюць фінансаванне з рэспубліканскага і мясцовага бюджэтаў. Гэта гарадскі Палац культуры «Орша» па праспекце Тэкстыльшчыкаў (былы Дом культуры льнокамбінату) і спартыўны комплекс на вуліцы Перакопскай. Рэканструкцыя Палаца культуры пачалася ў гэтым годзе і працягнецца ў 2020-м. На рамонт будынка з рэспубліканскага бюджэту будзе выдзелена 3 млн рублёў. Акрамя таго, не менш за 4,5 млн рублёў паступіць з мясцовага бюджэту.
На будаўніцтва другой чаргі спарткомплексу на Перакопскай ў 2020 годзе з рэспубліканскага і мясцовага бюджэтаў будзе выдзелена па 700 тысяч рублёў, пішуць "Аграньюс". Яшчэ больш за 936 тысяч рублёў спатрэбіцца на будаўніцтва аб'екта ў 2021 годзе.
