У Оршы на два прадпрыемствы можа стаць больш. Аршанскае ААТ «Завод ПАК» (Завод прыбораў аўтаматычнага кантролю) плануе арганізаваць вытворчасць камплектуючых для кар'ерных самазвалаў. ПАК — рэзідэнт СЭЗ "Віцебск", спецыялізуецца на выпуску камплектуючых і запчастак для аўтатрактарнай, сельскагаспадарчай і іншай тэхнікі, а таксама станцый абезжалезвання вады.
Адкрыць новую вытворчасць у Оршы плануе і заснаванае на пачатку 2020 года ТАА "Белмэтч". Цяпер кампанія збірае дакументы для рэгістрацыі ў якасці рэзідэнта СЭЗ "Віцебск", паведамляе сайт "Агроньюс". Прадпрыемства, створанае пры ўдзеле замежнага інвестара, будзе выпускаць запалкавую саломку на пляцоўцы ў Паставах, а ў Оршы плануе наладзіць выпуск паліўных пелет.
