Кандытары з Беларусі з вялікім трыумфам вяртаюцца на Радзіму. Сусветная кулінарная алімпіяда — IKA — праходзіла ў Штутгарце ў Нямеччыне з 15 па 19 лютага. У ёй прынялі ўдзел больш за 2000 кандытараў і кулінараў з усяго свету. Беларусы на гэтым спаборніцтве заваявалі 8 залатых, 5 сярэбраных і 1 бронзавы медалі. Золата заваявала праца з масцікі «Майстар гадзіннікаў» Наталлі Самбук, якая працуе на Аршанскім хлебазаводзе ААТ «Віцебскхлебпрам».
Бронзу атрымала скульптура з пластовага цеста «У пошуках прыгод» аршанкі Марыны Марозавай.
IKA — своеасаблівыя Алімпійскія гульні ў кулінарна-кандытарскай сферы, якія праводзяцца раз на чатыры гады.
