Жыхар Барані Зміцер Казлоў, які вядзе Youtube-канал «Серый кот» з 18,6 тысячы падпісантаў, уключаны ў крымінальную справу, па якой ужо пераследуюць шэраг актыўных і паслядоўных працінікаў Лукашэнкі і яго рэжыму. Справа заведзеная паводле артыкулу 342 КК («арганізацыя ці актыўны ўдзел у групавых дзеяннях, якія груба парушаюць грамадскі парадак»). Пра гэта Казлоў паведаміў у лісце праваабаронцу Паўлу Левінаву. 10 чэрвеня Казлова затрымалі разам з актывістамі «Еўрапейскай Беларусі» Арцёмам Чарняком і Міхаілам Бандарэнкам, на наступны дзень яго асудзілі на 20 дзён арышту. 30 чэрвеня Казлоў меў выйсьці на волю, але застаўся за кратамі — у ізалятары на 1-м завулку Акрэсціна ў Менску.
За якія дзеянні на Казлова распачалі крымінальную справу, невядома. Але паводле таго ж артыкулу (ды за розныя дзеянні ў час выбарчай кампаніі) ў Беларусі ўжо знаходзяцца пад вартай яшчэ 16 чалавек, з якіх 13 ужо прызналі палітычнымі зняволенымі. Прычым за кратамі знаходзіцца шэраг блогераў, калегаў Шэрага Ката. Напрыклад, гэта Сяргей Ціханоўскі, Сяргей Пятрухін, Ігар Лосік, Аляксандр Кабанаў і іншыя.
