У прынцыпе статус палітвязня надаецца аўтаматычна калі чалавек патрапляе за краты па палітычных прычынах. Але ў асобных выпадках праваабаронцы робяць асобныя заявы аб прызнанні канкрэтнага чалавека палітвязнем. Выпадак Зміцера Казлова, больш вядомага як блогер «Шэры кот» — менавіта той выпадак.
Зміцера затрымалі яшчэ 10 чэрвеня ў Мінску разам з некалькімі чалавекамі, але амаль праз месяц стала вядома, што на яго завялі крымінальную справу за «Арганізацыю ці актыўны ўдзел у групавых дзеяннях, якія груба парушаюць грамадскі парадак».
На сёняшні дзень у Беларусі 17 чалавек прызнаныя палітычнымі вязнямі і відавочна, што да выбараў іх лік будзе толькі павялічвацца.
