Сёння стала вядома, што блогеру з Барані Дзмітрыю Казлову разам з Мікалаем Статкевічам выставілі абвінавачанне. Як і чакалася, абвінавачваюць абодвух у "падрыхтоўцы дзеянняў, якія груба парушаюць грамадскі парадак". Варта адзначыць, што аніводны фігурант справы не прызнаў сваёй віны.
Таксама дзякуючы паведамленням адваката Дзмітрыя стала вядома за што затрымалі Шэрага ката. Аказалася, што 10 чэрвеня разам з актывістамі кампаніі "Еўрапейская Беларусь" насупраць суда Першамайскага раёна Мінска ён вывесіў плакаты. Гэта палічылі несанкцыянаваным пікетам і далі Зміцеру 20 сутак пад час якіх дадалі і крымінальную справу.
