Орша, Спорт

Шаракова зноў наперадзе

28.07.2020 15:16

2930 праглядаў, 3 каментара

Аршанская велагоншчыца эфектна выйграла чарговае золата на нацыянальным узроўні.

Адбылася групавая гонка на чэмпіянаце Беларусі па шашэйных велагонках. Перамогу дасведчанай велагоншчыцы ў спаборніцтвах на Гомельшчыне прынёс фінішны спурт, у якім Таццяна абагнала саперніцу Насту Колесаву з каманды Магілёўскай вобласці. Замкнула тройку менчанка Ганна Церах. Шаракова, натуральна, прадстаўляла каманду Віцебскай вобласці. Для Таццяны Шараковай гэта не першая перамога на чэмпіянаце. На мінулым тыдні спартсменка ўзяла золата на гонках з раздзельным стартам сярод жанчын, абагнаўшы мазыранку Іну Савенку і яшчэ адну спартсменку з Віцебскай вобласці Паліну Півавараву, якой дасталася бронза.