Цэнтр "Миротворець" ад самага пачатку вайны на Данбасе збірае ўсе звесткі пра агрэсію і шматразова давёў з фактамі і доказамі ўдзел расейскіх рэгулярных войскаў у вайне супраць Украіны. Там ёсць людзі, якія бралі ўдзел у захопе Крыма, а таксама ў вайне на Данбасе, у акупацыі частак Данецкай і Луганскай абласцей Украіны. 117 грамадзян Беларусі агулам ваявалі на баку Расеі і трапілі ў адпаведны спіс украінскай базы. Цяпер, пасля затрымання баевікоў прыватнай ваеннай кампаніі "Вагнер" пад Менскам украінскі бок прадаставіў беларускаму поўны спіс 117 чалавек. "Відловлюйте цих покидьків, Сябри!" — гаворыцца на сайце "Міратворца".
У спісе ёсць і двое аршанцаў. Гэта 54-гадовы Уладзімір Міхалевіч, а таксама 31-гадовы Аляксандр Ступніцкі. Пра большасць прарасейскіх баевікоў беларускага паходжання ўкраінцы маюць дакладныя звесткі, уключна з фотаздымкамі, месцамі баявых дзей і хатнімі адрасамі.
