Орша, Спорт

«Дарожнік-Мясакамбінат» у фінале

09.08.2020 13:45

2658 праглядаў, 0 каментароў

Аршанская каманда прабілася ў фінал кубка вобласці па футболе.

Працягваецца розыгрыш кубка Віцебскай вобласці па футболе. Аршанскі "Дарожнік-Мясакамбінат" у паўфінале адправіўся ў Віцебск на стадыён ВДТУ, дзе сустрэўся з "Прадцэнтрам". Віцябляне адкрылі лік ужо на 17-й хвіліне, але неўзабаве, ужо на 32-й Раман Малафееў забіў з пенальці. 1:1. Уладзіслаў Знак на 54-й вывеў аршанцаў наперад, а потым суддзя паставіў яшчэ адну "кропку" ў браму "Прадцэнтру". І зноў да мяча падыйшоў Раман Малафееў і зноў рэалізаваў спробу. Ужо ў дададзены час гаспадары поля адыгралі адзін мяч, але на большае ў іх ні хапала ні часу, ні сілаў. Перамога "Дарожніка" 3:2, і аршанская дружына праходзіць у фінал. Там супернікам стане яшчэ адзін віцебскі клуб — "Газавік".