Орша, Спорт

Кубкавы матч

28.08.2020 11:57

2933 прагляду, 0 каментароў

28-га жніўня ФК «Орша» правядзе матч 1/16 Кубка Беларусі. Але ёсць нюанс.

Ужо паўтара месяцы "Орша" не праводзіла афіцыйных матчаў, дзве сустрэчы, якія павінны былі пачаць другое кола чэмпіянату ў Першай лізе, былі адкладзеныя на пазнейшы тэрмін. Першы з-за палітычнага крызісу, які ўтварыўся ў Беларусі, другі з-за таго, што восем гульцоў "Слоніма", з якім мелася сустрэцца "Орша" ў мінулыя выходныя, захварэлі на каронавірус. У выніку толькі сёння, 28-га жніўня аршанцы ажновяць афіцыйны сезон. Гэта будзе матч сталыі 1/16 фіналу Кубка Беларусі. У суперніках у сіня-белых будзе сталічны "Энергетык-БДУ", клуб Вышэйшай лігі. У чэмпіянаце невялікая менская каманда займае высокае 6-е месца сярод 16 каманд. Безумоўна, менавіта яна лічыцца фаварытам паядынка, які адбудзецца 28-га жніўня на Гарадскім стадыёне Оршы. Зрэшты, паглядзець матч можна будзе толькі ў анлайн-трансляцыі, паколькі па рашэнні Беларускай федэрацыі футболу ўсе матчы 1/16 фіналу адбудуцца без гледачоў. Пачатак а 18:00.