У Оршы працягваецца распаўсюджвацца Ковід-19. І хаця цэнтар эпідэміялогіі так і не дае дакладных лічбаў па захворванні, прынамсі больш як месяц на іх сайце новых дадзеных не публикуецца, эпідэміёлагі пайшлі па аб’ектах гандлю з прадпісаннямі, што трэба зрабіць для мінімізацыі распаўсюду хваробы.

Агулам цэнтар эпіэміялогіі патрабуе выкананання 16 абавязковых пунктаў для гандлю і сферы паслугаў:

1. У краме ці кавярні павінна быць інфармацыя для пакупнікоў па ўзмацненні санітарна-эпідэміялагічнага рэжыма

2. Інструкцыя з пералікам мерапрыемстваў па ўзмацненні рэжыма

3. Не меньш за тры вільготныя прыборкі за дзень з выкарыстаннем дэзраствораў

4. Дэзрастворы павінны быць не проста ў наяўнасці, але з запасам

5. Работнікі пры кантакце з кліентамі абавязаны быць у масках

6. Масак на кожнага работніка павінна быць не меньш за 4, каб іх можна было мяняць кожныя дзве гадзіны

7. Аднаразовыя пальчаткі пры рабоце з кліентамі

8. І, канешне, запас пальчатак

9. Кожны работнік мусіць штодзённа мерыць тэмпературу і запісваць вынікі ў адпаведны журнал

10. Антысептык для кліентаў з дазатарам

11. Асобны антысептык з дазатарам для супрацоўнікаў аб’екту гандлю

12. Для супрацоўнікаў антысептык павінен быць з запасам

13. На аб’екце мусіць быць аб’ява для кліентаў пра захоўванне дыстанцыі ў 1,5 метры

14. У прыбіральнях павінны быць: вадкае мыла з дазатарам, туалетная папера, аднаразовыя рушнікі

15. Антысептыкі мусяць знаходзіцца і ў прыбіральнях таксама

16. А ў кавярнях паміж месцамі для сядзення кліентаў павінна быць адлегласць у 1,5 метра.