У першым матчы фінальнага этапу "Мясакамбінат" гуляў супраць віцебскага "Прадцэнтру". Матч у Віцебску на стадыёне ВДТУ сабраў на трыбунах аўдыторыю ўсяго ў 50 чалавек. На жаль, аршанцам не пашасціла ў матчы, яны саступілі 1:4. Адзіны гол нашы землякі правялі ў заключнай чвэрці паядынку, калі ўва многім лёс сустрэчы ўжо быў вырашаны. Зрэшты, гэтая параза не так шмат значыць — наперадзе яшчэ нямала гульняў, якія і будуць мець асаблівую важнасць.
Склад "Мясакабіната": Секацкі Аляксей; Суздальцаў Дзмітрый; Хомчанка Аляксей; Івулін Ігар (Склязноў Уладзімір, 65); Кальм Аляксандр У.; Кулішкин Станіслаў; Круцілін Дзмітрый (Кальм Аляксандр І., 76); Рубанік Андрэй; Рымкевіч Алег; Аўзін Дзяніс; Цюніс Мікіта (Парфёненка Мікіта, 46).
