У краме аднаго з гандлёвых прадпрыемстваў Оршы цана на алей ўключала надбаўку ў 30% замест усталяваных 20%. Куры і кураняты-бройлеры таксама прадаваліся па завышаным кошце — з надбаўкай у 23% замест дапушчальных 20%. У адной з крамаў УП «Талачынскі Элеватар-Агра» рознічныя цэны на прадукты, якія адносяцца да групы тавараў «Дзіцячае харчаванне», уключалі надбаўку 25% адсоткаў замест дапушчальных 15%.
Яшчэ больш парушэнняў выяўлена ў адной з крамаў Бабруйска: шэсць найменняў каўбас прадаваліся з набавкой на 10-12% больш дапушчальных межаў, а гандлёвая надбаўка на аўсянку склала 46% пры максімальна дапушчальных 30%, паведамляе "Агроньюс".
Вельмі часта нядобрасумленныя прадаўцы завышаюць цэны на тую катэгорыю тавараў, на якую пакупнікі звычайна не скупяцца, — дзіцячае харчаванне. Ужо пісалася пра Талачын, а ў тым жа Бабруйску сок для дзіцячага харчавання прадаваўся з нацэнкай 30% пры дапушчальных 15%. У гандлёвых кропках Слоніма ў продажы былі 6 найменняў дзіцячага харчавання (пюрэ, малочная сухая сумесь), кошт якіх у розніцы быў завышаны на 15-20%.
