Выканкам абвесціў грамадскія абмеркаванні па прапанове пабудаваць у цэнтры горада аднапавярховы гандлёвы будынак. Грамадскія абмеркаванні прадоўжацца да 31 кастрычніка - да гэтага часу можна падаваць свае прапановы па праэкце. Але ў сацыяльных сетках ужо ідзе актыўнае абмеркаванне гэтага пытання, прычым ідэя ўспрымаецца ў асноўным негатыўна.

Ідэя ініцятараў будаўніцтва ў тым, каб прыбудаваць да жылога дома па вуліцы Астроўскага 1 гандлёвы аднапавярховік. У ім размесцяцца банк і аптэка - паведамляе выканкам. Будынак будзе вуглавы і вуглом ён пройдзе ад названага дома Астроўскага 1 да заезду ў двор былога Трынітарскага манастыра дзе зараз знаходзіцца ЗАГС. Асноўны негатыў выклікае поўная не гарманічнасць новага будынка з будынкам былога манастыра, які лічыцца помнікам архітэктуры і будзе часткова прыкрыты банкам і аптэкай.

З іншага боку, новы будынак будзе гарманічна ўпісвацца ў такі ж новыя гандлёвыя будынкі на прыпынках цэнтра. Атрымліваецца, што ў цэнтры ствараецца новы ансамбль такіх гандлёвых аднапавярховікаў. кія аб'ектыўна падаюцца лішнімі на фоне старой забудовы. Хаця гэта, канешне, справа густа, але ж пакуль большасць людзей у інтэрнэце выказваецца супраць дысгармоніі ў цэнтры.

Выказаць свае прапановы па будынку ці супраць яго ўзвядзення так, каб вас пачулі і афіцыйна адказалі можна да 31 кастрычніка ў рабочы час ў 113 кабінеце выканкаму, або на электронны адрас выканкаму [email protected]. Пабачыць праэкт можна ў фае выканкаму да 21 кастрычніка.

Фота "Аршанская газета".