Аглядаючыся на прайшоўшыя 13 гадоў з моманту стварэння нашага сайта, становіцца дзіўна як увогуле сайт выжыў: за гэты час мы перажылі смерць аднаго са стваральнікаў сайта (Алесь Шутаў), тры крымінальныя справы на рэдактара (Ігар Казмерчак), некалькі затрыманняў аднаго з аўтараў сайта, вобшукі і канфіскацыю тэхнікі. Зараз, дарэчы, адзін з кампутараў сайта таксама знаходзіцца ў міліцыі.
Але мы не проста выжылі, мы ўсё яшчэ трымаем пазіцыю самага папулярнага сайта пра Аршаншчыну. І гэта, канешне, не толькі праз нашую працу. Канешне, вы — нашыя чытачы — робіце рэйтынгі. Дзякуй усім хто ўсе гэтыя гады разам з намі!!!
