Яшчэ 2 красавіка каля казіно "Венецыя" ў Оршы адбылася разборка на нажах, у выніку якой быў паранены аршанскі крымінальны аўтарытэт Дамаросаў па мянушцы "Марозік". 37-гадовы мужчына ўваходзіць у крымінальную групу Аляксандра Кушнера, супраць якой ваююць іншыя беларускія кланы, у прыватнасці, кампанія 46-гадовага Алега Герасімовіча "Муму".
4 лістапада ў Слуцку пры сілавой падтрымцы спецатрада хуткага рэагавання МУС затрымалі Муму. Неўзабаве ўстанавілі асобы і траіх яго саўдзельнікаў, у тым ліку 40-гадовага менчука, які хаваецца за мяжой і знаходзіцца ў вышуку за ўхіленне ад прэвентыўнага нагляду.
Алега Герасімовіча прызналі падазраваным па крымінальных справах, узбуджаных раней па фактах здзяйснення асабліва злоснага хуліганства і прычынення цяжкага цялеснага пашкоджання. Ён узяты пад варту.
