Завяршыўся чэмпіянат Беларусі па футболе ў Першай лізе. Сёлета футбольны клуб "Орша" заняў 11-е месца, што на адну прыступку ніжэй за вынік папярэдняга першынства. Паядынак заключнага, 26-га туру для аршанцаў не задаўся. Сіня-белыя прайгралі яго "Нафтану" 0:3. Паводле наяўнай інфармацыі, галоўны трэнер Мікалай Бранфілаў у наступным сезоне працягне працу з камандай, сёлета ён толькі восенню замяніў на пасадзе трэнера Аляксандра Вопсева.
На павышэнне з Першай лігі ў Вышэйшую ідуць "Спадарожнік" з Рэчыцы і "Гомель". Менскія "Крумкачы" згуляюць у стыкавых матчах са "Слуцкам". З Вышэйшай лігі ў Першую апусціліся бабруйская "Белшына" і "Смалявічы". А светлагорскі "Хімік" згуляе ў стыкавых матчах з "Маладзечнам" за месца ў Першай лізе на наступны сезон. Напрасткі з Другой лігі ў Першую падняўся магілёўскі "Дняпро". "Орша" і ў наступным сезоне працягне гуляць у Першай лізе.
