Орша, Спорт

«Вітэн» развітаўся з Кубкам

29.12.2020 10:38

3395 праглядаў, 0 каментароў

Аршанскі «Вітэн» нечакана выляцеў з Кубка Беларусі па міні-футболе.

Турнір хоць і не быў прыярытэтам для аршанскага клуба, усё ж першы пройгрыш у сезоне заспеў знянацку. Натуральна, усе думкі энергетыкаў зараз пра тое, як паспяхова выступіць у Лізе чэмпіёнаў, а таксама ў чэмпіянаце краіны. Кубак стаўся толькі трэцім турнірам. У Гародні аршанцы сустракаліся з гаспадарамі пляцоўкі - "УУС-Дынама". Чырвона-чорным удалося забіць ужо на 2-й хвіліне намаганнямі Гусакова. Але ўжо на 4-й хвіліне лік стаў роўным. А на 9-й "УУС-Дынама" забіла яшчэ. Больш не забівалі ні "міліцыянты", ні "энергетыкі", перамога гарадзенцаў 2:1 і выхад у 1/4, "Вітэн" выбывае з турніру.