Апошнім аб’ектам, прададзеным ў 2020 годзе на аўкцыёне камітэтам «Віцебскаблмаёмасць» стаў невыкарыстоўваны лячэбны корпус Аршанскай цэнтральнай паліклінікі, паведамілі агенцтву «Інтэрфакс-Захад» у самім камітэце. У склад прададзенага комплексу ўваходзяць будынкі харчаблоку, лячэбнага, хірургічнага і акушэрска-гінекалагічнага аддзяленняў (агульная плошча 3291 кв м), а таксама сеткі: вадаправод, каналізацыя і цепласетка.
30 снежня лячэбны корпус выстаўляўся на аўкцыён ўжо ў чацвёрты раз і быў прададзены адзінаму пакупніку — прыватнай арганізацыі з Оршы. Новы ўласнік плануе наладзіць вытворчасць паліўных пелетаў.
«Калі падводзіць вынікі года, то менавіта аўкцыёны за базавую велічыню выклікаюць найбольшую цікавасць у пакупнікоў. Так у 2020 годзе прададзеныя на аўкцыёне за базавую велічыню 73 аб’екты, што складае 52% ад агульнай колькасці прададзеных на аўкцыёнах аб’ектаў (усяго 140 аб’ектаў). У параўнанні з папярэднім годам колькасць прададзеных аб’ектаў павялічылася на 32%», - адзначылі ў камітэце.
