Не сакрэт, што ў Беларусі большасць прадуктаў больш дарагія чым у суседніх краінах. А калі яшчэ і браць нізкаякасныя прадукты, то можна з'эканоміць столькі, што і наварыцца можна - так і пралічылі трое аршанцаў, якія задумалі распачаць супольны бізнэс.
Але хто ж будзе добра купляць нізкаякасны прадукт? Без махлярства расейскае масла так проста не прадасі. Аршанцы арэндавалі цэх, паставілі ўпаковачнае абсталяванне і распачалі. Схема простая - куплялі ў расеі таннае масла, упакоўвалі ў беларускія ўпакоўкі мясцовых якасных вытворцаў і прадавалі яго па ўсёй краіне. Такім чынам на прыоаўкі патрапляла масла з Горак, з Лепеля, з Брэста, Мінска, якое ні да аднаго з гэтых гарадоў не мела дачыненне.
Выйшлі на след "вытворцаў беларускага масла" аператыўнікі з Барысава, дзе троіца таксама паспела збыць свой тавар.
