Літаральна ўчора ў дэпартамент фінансавых раследванняў было выклікана на допыт у якасці сведкаў некалькі чалавек. Усе яны пад час допыту падпісалі распіску пра неразгалошванне таямніцы следства і таму мы не ведаем пра што вялася размова. Але відавочна, што ўсіх гэтых людзей аб'ядноўвае тое, што ўсе яны мелі большае ці меньшае дачыненне да нашага сайта.
Сыходзячы з гэтага можна меркаваць, што не атрымаўшы выніка ад крымінальнай справы супраць Ігара Казмерчака як уладальніка "Цудоўнай крамы", пачалася нейкая фінансавая праверка Ігара Казмерчака як уладальніка сайта orsha.eu. Папярэдняя крымінальная справа - калі Казмерчака вінавацілі ў нясплаце падаткаў па працы "Цудоўнай крамы" - скончылася меньш за месяц як людзей пачалі выклікаць на новыя допыты.
