Орша, Грамадства

Аранжавеем

08.02.2021 10:20

2225 праглядаў, 0 каментароў

На сёння зноў аранжавы ўзровень небяспекі з-за надвор’я, на тыдні чакаем як мінімум яшчэ «адзін аранжавы дзень»

Гэтай зімой аранжавы ўзровень небяспекі ратавальнікі абвяшчаюць амаль кожны тыдзень. Прычына — надвор’е. То яно занадта слізкае, то занадта халоднае, а то шмат ападкаў і г.д. І гэты тыдзень не выключэнне. На панядзелак абвешчаны аранжавы ўзровень з-за вялікага холаду — меньш за 21 градус. Заўтра — аўторак 9 лютага — трохі пацяплее, максімальная тэмпература будзе мінус 16. Але затое з’явіцца завіруха. Што можа таксама стаць прычынай абвяшчэння арнажавага ўзроўню. І моцная завіруха цэлы дзень па прагнозах сіноптыкаў будзе ў пятніцу. Зразумела што ў снежныя дні будзе крыху цяплей, калі канешне, мінус 16 можна лічыць «цяплей». А калі снег і завіруха будуць сканчацца, то холад будзе аднаўляцца. У нядзелю раніцай нас зноў чакае да мінус 20.