8 лютага на ўзаемнай аснове аднавіліся пасажырскія чыгуначныя зносіны па маршруце Масква — Менск, Масква —Калінінград і цягнікоў пецярбурскага фармаваньня з прыпынкам у беларускай сталіцы. Таксама ад 8 лютага павялічылася колькасьць рэгулярных авіярэйсаў Масква —Менск з трох да пяці штотыдзень, неўзабаве адновяцца паветраныя зносіны з Растову-на-Доне і Санкт-Пецярбургу ў Менск па адным рэйсе на тыдзень.
Але пакуль цягнік не будзе рабіць прыпынку ў Оршы. Калі ў расклад цягніка вернуць аршанскі чыгуначны вакзал, пакуль застаецца невядомым.
У якасці ахоўных мер у цягнік пакуль не дапускаюцца людзі, якія праводзяць сяброў ці сваякоў, а пасажырам настойліва рэкамендуецца выкарыстоўваць на працягу ўсёй паездкі маскі. Для праезду грамадзянам неабходна мець пры сабе адмоўны вынік ПЦР-тэсту на каранавірус, выкананы на працягу 72 гадзін да адпраўлення саставу. Медыцынскія дакументы не патрэбныя беларусам да 5 гадоў, расейцам да 6. На ўваходзе ў вагон праваднікі мераюць пасажырам тэмпературу.
