Орша, Грамадства

Пацяплее толькі пад канец

10.03.2021 07:56

1868 праглядаў, 0 каментароў

Зіма трохі затрымліваецца

Зіма 2020-2021 года не проста была вельмі суворай, але яшчэ і не спяшаецца сыходзіць. На гэтым тыдні нас чакае працяг зімы. Сіноптыкі прагназуюць да мінус 15 градусаў у чацьвер. А да чацьвярга тэмпература будзе паступова апускацца. −15 гэта будзе пікавы холад на гэтым тыдні, але і пасля таго тэмпература не стане камфортнай. У пятніцу — 12 сакавіка — нас зноў чакае завіруха. Снег мусіць пайсці ў другой палове дня, а вецер будзе ўзмацняцца напрацягу ўсяго дня і дойдзе да парываў у 19 метраў за сякунду. Праўда вецер можа быць даволі цёплым, бо дзьмуць будзе з паўднёвага кірунку і прынясе ў выніку пацяпленне. Ужо ў суботу тэмпература будзе першапачаткова −3 градусы, а напрацягу дня паступова будзе павялічвацца і пад вечара стане плюсавой.

Яшчэ некаторая завіруха нас чакае ў ноч з суботы на нядзелю, але па прагнозах канец гэтага тыдня — пачатак наступнага ўжо можа быць вясновым.