У горадзе назіраецца нейкая вясновае абвастрэнне кавярняў. Толькі нядаўна адчынілася "Рок'н'кофе", смузі-бар "Какос", "Фрі тайм" на Міра 3-а, а на гэтых выходных у горадзе адчынілася яшчэ адразу дзве кавярні.
Першая з іх папулярная зараз у Оршы пякарня сумешчаная з кавярняй на вуліцы Міра ў раёне Усходняй. "The cake.by" дае магчымасць не толькі купіць выпечку, але і выпіць кавы ды пасядзець у даволі стыльным памяшканні.
Другая - "Сушы дом" на Чырвонаармейскай на тэрыторыі былой фабрыкі Ільнокамбінату. Гэта не самае прахадное месца, але ўладальнікі плануюць кампенсаваць гэта магчымасцю дастаўкі сушы.
