Орша, Грамадства

Здаецца гэта быў апошні снег

09.04.2021 13:22

2507 праглядаў, 0 каментароў

Сіноптыкі абяццаюць пацяпленне, але не ўсё так адназначна

Снег які выпаў у чацьвер хоць і быў прыгожым (надта пухнатыя, буйныя сняжынкі), але радасці даставіў мала — халодны вецер разам са снегам у красавіка так сабе радасць. Але цяпер ужо зімовая эпапея, здаецца, скончылася. Сіноптыкі прагназуюць паступовае пацяпленне. Ужо сёння выйшла цёплае сонейка, а заўтра ў суботу прагназуецца пацяпленне да 11 градусаў. У нядзелю яшчэ цяплей — да 14-ці градусаў. У аўторак прагноз дае максімум +15 градусаў, а потым некаторае зніжэнне тэмпературы. У ноч з серады на чацьвер тэмпература можа вярнуцца да нуля градусаў.

Пры гэтым снега ўжо не будзе — неба над горадам стане адносна светлым. Толькі час ад часу чакаецца воблачнасць.

Хаця і такое пацяпленне не будзе адназначна радасным — пры плюсавой іэмпературы нас на тыдні чакае парывісты вецер. Максімальныя парывы ў суботу — да 17 метраў у секунду.