Орша, Спорт

Валявая перамога

07.06.2021 16:16

6867 праглядаў, 0 каментароў

«Орша» саступала, але перамагла «Баранавічы».

У 8-м туры чэмпіянату Беларусі па футболе ў Першай лізе «Орша» прымала на Гарадскім стадыёне «Баранавічы». У сустрэчы госці даволі хутка дамагліся поспеху, і на перапынак гульцы сышлі з мінімальнай перавагай прыезджай каманды. Аднак у другім тайме аршанцы ўзмацнілі свае атакі на браму суперніка і двойчы святкавалі поспех — спачатку Глеб Жалезнікаў выкарыстаў адскок і ў адзін дотым прабіў па браме «Баранавічаў» — дакладна! А за 6 хвілін да фінальнага свістку Мікіта Галуза, які выйшаў на замену незадоўга да таго, бліскучым стрэлам з-за межаў штрафной пляцоўкі прабіў брамніка «чырвона-сініх» у другі раз — 2:1, аршанцы святкуюць перамогу і пакідаюць перадапошняе месца, цяпер яны маюць 8 пунктаў пасля 8 тураў і займаюць 10 месца сярод 12 каманд.