Орша, Грамадства

Новая справа на Хурбатава

24.07.2014 20:32

3557 праглядаў, 6 каментароў

У дачыненні да намесніка старшыні Аршанскага райвыканкама Івана Хурбатава ўзбуджана ўжо трэцяя па ліку крымінальная справа

Як нам стала вядома, справу ўзбудзіла і вядзе ў вытворчасці Упраўленне Следчага камітэта па Віцебскай вобласці. Падставай для ўзбуджэння справы на думку ініцыятараў сталі факты дачы Хурбатавым указанняў розных аршанскім будаўнічым і камунальным арганізацыям аб прадастаўленні на бязвыплатнай аснове аўтатранспарту, спецтэхнікі, будматэрыялаў, а таксама рабочых для выканання будаўніча-мантажных работ на аб'ектах ПВУП "ТопЕвроСтрой". На думку следства шкода ад гэтых дзеянняў складае больш за 21 мільёны рублёў. Крымінальная справа ўзбуджаная па ч. 3 арт. 426 КК РБ "Перавышэнне ўлады або службовых паўнамоцтваў", санкцыя якой прадугледжвае пазбаўленне волі на тэрмін ад трох да дзесяці гадоў з канфіскацыяй маёмасці або без канфіскацыі і з пазбаўленнем права займаць пэўныя пасады або займацца пэўнай дзейнасцю.