На мінулым тыдні стала вядома, што крама белраускай атрбутыкі і сувеніраў "Цудоўная крама" чарговы раз пазбаўляецца памяшкання для працы. Дамова была разарваная датэрмінова, але паводле дамовы яшчэ на працягу месяца крама магла працаваць. А ў суботу на мінулым тыдні стала вядома, што месяца няма.
Аддзел міністэрства надзвычайных сітуацыяў выдала ўладальніку крамы Ігару Казмерчаку прадпісанне спыніць работу з нядзелі. Работа спыняецца пакуль у памяшканні не з'явіцца пажарная сігналізацыя, што, ў прынцыпе, не віна арэндатара. Але нешта выпраўляць калі ўжо дамова разарваная не выпадае.
Такім чынам адзіная такога роду крама ў Оршы зачынілася з 18 чысла і зараз вяртае тавар рамеснікам.
