Гаворка ідзе пра дзве грамадскія арганізацыі: Аршанскую гарадскую арганізацыю Таварыства беларускай мовы імя Ф. Скарыны і Аршанскае маладзёжнае грамадскае аб'яднанне "Звяз". Абедзве арганізацыі былі вельмі блізкія адна да адной і мелі адну юрыдычную адрэсу.
"Звяз" у гэтым годзе атрымаў афіцыйнае папярэджанне з-за незданай своечасова справаздачы пра дзейнасць. А Таварыства беларускай мовы хутка могуць ліквідаваць па ўсёй краіне, тады аршанская арганізацыя ліквідуецца аўтаматычна як частка рэспубліканскай. Рада арганізацыі "Звяз" на сваім апошнім паседжанні вырашыла не трымацца за рэгістрацыю і не спрабаваць выправіць сітуацыю. На паседжанні гаварылася, што па-першае, афіцыйная рэгістрацыя не прыносіць амаль аніякай практычнай карысці ўжо гадоў 15. Затое штомесячна выцягвае грошы на арэнду юрыдычнай адрэсы. А ў сёняшніх умовах - калі шмат арганізацый пазбяўляюць рэгістрацыі - трымацца за яе было б марнатраўствам часу. Па-другое, грамадская арганізацыя - гэта не юрыдычны статус, а людзі. І па-сутнасці арганізацыі не стане горш ад страты афіцыйнага статуса. А пры змене сітуацыі аднавіць рэгістрацыю не будзе праблемай.
