Перакрытыя дарогі будуць з-за традыцыйнага "Аршанскага паўмарафона". Прычым перакрыюць іх не толькі для прыватнага транспарту, але і для грамадскага. Праблемы з транспартам будуць доўжыцца з 10-00 да 17-00. Так, маршруты №2 і №10, №23 на гэты час працаваць не будуць увогуле. Адзінка будзе рухацца толькі з вакзалу да Цэнтрума. Тройка з Гразілаўкі да Цэнтрума. Пяцёркі з Сельгастэхнікі да таго ж прыпынку. 9-ка ад вагоннага дэпо да "Гандлёвага цэнтру". №11 будзе ісці ад канечнай да канечнай, але без заезду на вуліцу Леніна, то бок, выключаюцца прыпынкі "Гандлёвы цэнтар", "Гарадскі Цэнтар культуры" і "Раніца". Нават №13, які не заходзіць у цэнтар зменіць маршрут. Ён будзе ісці ад вакзалу да Мясакамбінату, бо Ільнокамбінат і Мікрараёны таксама будуць перакрыты.
Больш пашанцуе тым хто жыве на Андрэеўшчыне. Маршрут №14 ісці будзе ад канечнай да канечнай, але не па Леніна, а па Сяліцкага, Марата, свярдлова, Астроўскага.
