Працягваецца чэмпіянат Беларусі па футболе сярод каманд Першай лігі. Напярэдадні гульцы «Воршы» прымалі на сваім полі «Ліду», аднаго з аўтсайдэраў. Каманда Ігара Чумачэнкі перамагла 2:1, а галы забілі Вадзім Бальбух — са штрафнога, і Глеб Жалезнікаў. У канцы сустрэчы сіня-белыя маглі як павялічыць разрыў, так і дазволіць лідзянам з’ехаць з Воршы з нічыёй. Аднак лік застаўся ранейшым.
«Ворша» пасля 29 тураў застаецца на 9-м месцы сярод 12 каманд. Дружына Чумачэнкі, які ў верасні замяніў на трэнерскім мастку Мікалая Бранфілава, ужо забяспечыла сабе ўдзел у Першай лізе на наступны сезон.
