Справа ў тым, што Кірыі ўжо выносілі папярэджанне за кепскі санітарны стан крамкі. І чарговую праверку крама ўжо не вытрымала. Уладальніку гандлёвага аб’екта навешалі шмат парушэнняў па санітарных нормах. У тым ліку прад’явілі за піражкі, якія пякліся ў самім будынку ў не самых лепшых умовах.
Цяпер крама часова зачыненая да выпраўлення парушэнняў, наколькі зацягнецца гэтае часова і ці стане яно вечным пакажа час.
Раней будынак крамы належыў «Раніцы» і меў адпаведную назву. Пасля ліквідацыі самога гандлёвага прадпрыемста ў 2016 годзе, будыначак крамы змог атрымаць прадпрымальнік, які пакінуў там гандаль выпечкай, але пашырыў асартымент мяса, што было даволі зручна для мясцовых жыхароў.
