Андрэй Кеўліч - дэкан Магілёўскага каталіцкага дэканату. Дэкан - гэта рэлігійная пасада, па сутнасці кіраўнік адміністратыўнай царкоўнай частцы. Гэтую пасаду айцец Андрэй заняў у пачатку года. 18 красавіка яго затрымалі ў суседнім Горацкім раёне адразу пасля богаслужэння. Яго абвінавацілі ў тым, што на сваіх старонках у сацыяльных сетках у яго быў перапост з сайта, які ў Беларусі прызнаны экстрэмісцкім.
Чарговая спроба суда павінна была адбыцца ўчора - 27 красавіка. Але суд адправіў матэр'ялы справы на дапрацоўку, бо некаторыя дадзеныя сабраныя міліцыянтамі не стыкаваліся адно з адным.
