Рыгор Андрэевіч Кастусёў, які шмат гадоў пражыў у суседнім Шклове, быў затрыманы 12 красавіка 2021 года ў сваім шклоўскім доме па абвінавачанні ў падрыхтоўцы захопу ўлады. Не так даўно ён паведаміў сваім родным, што следства па яго справе скончана і цяпер ідзе перыяд азнаямлення з матэр'яламі справы. Праўда, у лісце ён зноў адзначаў, што не разумее ў чым яго абвінавачваюць.
На днях стала вядома, што старшыню найстарэйшай у Беларусі партыі перавялі з "Валадаркі" ў СІЗА КДБ. Відавочна, што такім чынам Кастусёва ўжо рыхтуюць да суда ,які адбудзецца ў бліжэйшыя пару месяцаў.
Цяпер падтрымаць падітвязня лістом можна па дарасе: СІЗА КДБ, 220050 г. Мінск, Галоўпаштамт, абаненцкая скрыня 8 Рыгору Андрэевічу Кастусёву.
