Насамрэч праблема з захаваннем помнікаў архітэктуры актуальная для ўсёй краіны. Гэтаму спрыяюць і недахоп грошай у бюджэце краіны, і дзіркі ў законах, якія перашкаджаюць рэстаўрацыі помнікаў, ды й агульнае стаўленне дзяржавы да культуры. Найбольш, канешне, палохае сітуацыя ў Смалянах, бо гэта вельмі перспектыўны турыстычны накірунак з вялікай колькасцю помнікаў, якія проста на вачах разбураюцца. Але і ў іншых населеных пунктах (можа быць акрамя самой Оршы) сітуацыя не лепшая, проста прыцягвае менш увагі.
Паглядзіце, у якім стане сёння стары маёнтак у вёсцы Высокае. Маёнтак гэты пабудаваны ў канцы 19-га - на пачатку 20-га стагоддзя. Менавіта тут прайшоў устаноўчы з'езд Камуністычнай партыі Заходняй Беларусі (КПЗБ), гісторыя якой дастаткова трагічная.
