Следчы камітэт 6 чэрвеня зафіксаваў больш за 20 званкоў тэлефонных махляроў, якія званілі аршанцам з мэтай выманьвання грошай. Часцей за ўсё махляры распавядалі сваім патэнцыйным ахвярам, што іх родзіч патрапіў у нейкую непрыемную сітуацыю і яму тэрмінова патрэбная салідная сума. Як мінімум двое чалавек паверылі махлярам.
Так, 76-гадовая пенсіянерка страціла 7800 рублёў калі паверыла, што яе дачка патрапіла ў аварыю і ёй на тэрміновую аперацыю патрабуецца менавіта такая сума.
У другім выпадку больш за 21000 страціла 72-гадовая жанчына. Ёй распавялі, што яе ўнучка збіла на машыне чалавека і грошы патрабуюцца ў якасці хабару для следчага.
Мы ведаем, што далёка не ўсе тыя каму званілі махляры, потым звярталіся ў міліцыю. Таму 20 званкоў за дзень - гэта не поўная лічба, колькі ж рэальна ў гэты дзень званіла махляроў і з чым звязаная менавіта такая масіраваная атака на наш горад на сёння нам не вядома.
