Рэгіён, Культура

Мітынгі на фестывалі

21.06.2022 12:32

1604 прагляду, 0 каментароў

«Дняпроўскія галасы» пройдуць у гэтыя выходныя

Штогадовы фестываль «Дняпроўскія галасы» чарговы раз пройдзе тры дні. Распачнецца ён у пяніцу 24 чэрвеня з выставы «Лялька Дубравушка» дзе будуць прадстаўленыя лялькі ў традыцыйных касцюмах. Свята горада таксама пройдзе ў рамках фестывалю і таксама ў пятніцу. А афіцыйнае адкрыццё фестывалю адбудзецца на наступны дзень у суботу а 15-00. Асаблівасць гэтага фестывалю ў тым, што ў яго рамках пройдзе аж два мітынга. Гэта, канешне, мала стасуецца з фальклорным фестывалем, але сёння ўлады яшчэ больш чым раней палюбілі тэму Другой Сусветнай вайны засунулі мітынгі і ў такі фармат. Першы мітынг адбудзецца а 16-30 і будзе прысвечаны адкрыццю мемарыяльнага знаку ў памяць аб загінулых у час вайны казахах. Дарэчы зараз у раёне працуюць казахскія пашукавікі, якія раскапваюць магілы часоў вайны.

Другі мітынг адкрые трэці дзень фестывалю ў нядзелю а 11-15.

Першыя два дні фестывалю будуць скончвацца дыскатэкай, а трэці дзень завяршыцца пад гром феерверкаў.