Канец першага кола выйшаў неадназначным. З аднаго боку, удалося згуляць унічыю з пінскай «Хваляй», якая змагаецца за месца ў Найвышэйшай лізе. Але перад і пасля таго сіня-белыя саступілі «Маладэчну» і «Слоніму», канкурэнтам па скляпеннях турнірнай табліцы. Маладэчанцам прагулялі 1:2, слонімцам 2:3, хаця пошнім забілі ўжо на 34-й секундзе матчу.
У каманды Чумачэнкі відавочны мінус — амаль поўная адсутнасць падмены, клуб гуляе фактычна без заменаў, і таму справіцца з супернікамі, якія выкарыстоўваюць «свежыя ногі», у другіх таймах робіцца цяжка.
Як піша сайт прыхільнікаў «Воршы», наша каманда — адзіная, якая не мела перамог у апошніх 6 сустрэчах. Акрамя таго, апошняя вікторыя атрымана наогул 7 траўня, з улікам таго, што другое кола пачнецца ў сярэдзіне жніўня, аршанцы выйдуць на наступны матч з больш чым 3-месячнай серыяй без перамог (!), што ніяк не дадае аптымізму.
