Арцём Ляшнеўскі — палітвязень з Барані. Зараз ён адбывае пакаранне ў Ваўкавыскай «хіміі» № 29. Але гэтага карнікам мала. У суботу як мінімум у некалькіх «хіміях» па краіне адбыліся аблавы-ператрусы. Пра такія падзеі вядома з Магілёўскай хіміі і Ваўкавыскай дзе і знаходзіцца наш зямляк. У арыштаваных па палітычных матывах АМАП і ГУБАЗік правяралі тэлефоны. У выніку такога ператрусу Арцём быў затрыманы і дастаўлены ў мясцовы РАУС. На яго заведзена адміністратыўная справа па артыкуле 19.11, які прадугледжвае пакаранне за распаўсюд, выраб або захоўванне не правільнай інфармацыйнай прадукцыі. Вядома, што акрамя Арцёма ў Ваўкавыску былі затрыманыя яшчэ 3 палітвязняў, а ў Магілёве як мінімум адзін чалавек.
Санкцыя па гэтым артыкуле прадугледжвае не вялікае пакаранне, але з канфіскацыяй прылады з дапамогай якой зроблена парушэнне — фактычна ў палітвязняў адбяруць мабільныя тэлефоны. Зараз Ляшнеўскі можа застацца без сувязі, але кожнага палітвязня вы можаце маральна падтрымаць лістом. Адрас для допісаў: папраўчая ўстанова адкрытага тыпу № 29. 230415, г. Ваўкавыск, вул. Ракасоўскага, 118 Арцёму Ляшнеўскаму.
