Яшчэ ў 2008 Орша прымала рэспубліканскі фестываль "Дажынкі", праўда, пасля таго і пачалі гаварыць, што рэспубліканскіх фестываляў больш не будзе. І сапраўды ў 2014 годзе Дажынкі ў краіне апошні раз прайшоў фестываль рэспубліканскага фармату. З тае пары свята ўраджаю станавіліся ўсё сціплей. Пры гэтым на раённым узроўні ўсё адно адбываецца святкаванне.
Дажынкі ў Аршанскім раёне пройдуць у гэтым годзе ў Барані ў абноўленым Доме культуры. Праўда фармат іх будзе зусім сціплы. Распачнецца святкаванне а 14-00 16 лістапада. То бок, у рабочы дзень і ў рабочы час. У самім доме культуры па старой традыцыі ўзнагародзяць перадавікоў, а потым арганізуюць канцэрт школьных калектываў самадзейнасці.
Побач з Домам культуры адбудзецца кірмаш. Праўда, кірмаш наўрад ці будзе надта паспяховым - для мерапрыемства падабраны не самы лепшы час.
