Шмат гадоў запар аршанскі ільнокамбінат знаходзіцца ў складаным стане. Гэтаму ёсць некалькі прычынаў. Па-першае, тая прадукцыя якую прадпрыемства вырабляла раней стала меньш актуальная. Напрыклад, мешкавіна з ільну цяпер не патрабуецца ў тых колькасцях, якія патрабаваліся яшчэ тры дзесяцігоддзі таму. Па-другое, кіраванне чыноўнікамі. Зразумела, што прадпрымальнік кіруе з іншай матывацыяй чым чыноўнік і прыватныя прадпрыемствы - за рэдкім выключэннем - паказваюць лепшы фінансавы вынік чым дзяржаўныя.
Хаця прадукцыя з ільну мае свае перспектывы ў багатых краінах - натуральныя рэчы там зараз можныя і людзі гатовыя за іх пераплочваць - ільнокамбінат не можа выйсці з крызісу. Складскія запасы застаюцца вялікімі, патрабуюцца ўсё новыя і новыя дзяржаўныя датацыі. За апошнія 10 гадоў ён "з'еў" 200 мільёнаў даляраў прамых датацыяў, без уліку крэдытаў, ільготаў на электрычнасць і г.д.
Зразумела, што калісці падаткаплацельшчыкі могуць сказаць: навошта мы будзем плаціць не эфектыўнаму прадпрыемству, няўжо няма куды падзець 200 мільёнаў?! І тады лёс ільнокамбінату будзе - хутчэй за ўсё - плачэўным.
Вырашаць, што рабіць з гэтым прадпрыемствам трэба ўжо сёння. Пры гэтым варта мець на ўвазе, што ільнокамбінат буйны працадаўца і калі проста зачыніць завод, то тысячы людзей страцяць працу. І гэта не толькі ў Оршы. Вакол ільнокамбінату кормяцца некалькі ільнозаводаў вакол Оршы, некаторыя з іх таксама галоўнымі працадаўцамі ў сваіх гарадах.
Прапануем вам адказаць у апытанні, што па вашым меркаванні трэба зрабіць з ільнокамбінатам. У самім прапанаваным апытанні некалькі варыянтаў адказу, але калі вам не падабаецца аніводны, то запрапануйце свой варыянт у каментарах да гэтага артыкула.
Апытанне - на галоўнай старонцы сайта і ў сацыяльных сетках.
