У Верхнядзвінску аршанцы сустракаліся з мясцовым "Прыазёр'ем". Як і дома, дзе выйгралі 4:1, у гасцях "сіня-белыя" таксама не адчулі праблемаў. Ужо на 9-й хвіліне Лужанкоў запусціў "парашут" за спіну брамніку "Прыазёр'я" Чэшуну. На 23-й хвіліне выдатна зарыентаваўся ў сітуацыі ў чужой штрафной Чавідаеў - 2:0. У другім тайме Магаль на 54-й хвіліне трапна стрэліў пад дальнюю штангу - 3:0! У супернікаў практычна не было момантаў, каб забіць хаця б аднойчы.
Такім чынам, "Орша" мае 43 балы пасля 17 гульняў, у "Жлобіна" 41 пункт. Выхад у фінальны раўнд, дзе будзе барацьба за месца ў 1-й лізе, аформлены! Акрамя таго, Аляксандр Лужанкоў з 10 галамі - адзін з лепшых бамбардзіраў сезону, а ў Мікалая Кітаёва 9 мячоў. Аршанцы маюць серыю з 18 матчаў без паразаў.
