Нагадаем, што гаворка ідзе пра справу, якую ўлады палічылі змовай з мэтай захопу ўлады. Па-сутнасці ж, гэта была правакацыя спец.службаў ў якой псеўда-змоўшчыкаў пазнаёмілі з псеўда-генераламі, якія казалі, што могуць зрабіць псеўда-пераварот сілай. Па гэтай справе праходзіць і жыхар суседняга Шклоўскага раёну, старшыня Партыі БНФ Рыгор Кастусёў. Ягоная віна і ўвогуле толькі ў тым, што ён удзельнічаў у публічных зум-канферэнцыях якія ладзілі іншыя ўдзельнікі справы.
Зразумела, што Кастусёў не прызнаў сваёй віны ў змове якой і не было. Тым не меньш, суд прызначыў яму 10 гадоў зняволення ў калоніі. А апеляцыя не падзейнічала - прысуд пакінуты ў сіле, як стала вядома сёння.
Пры гэтым рыгор Андрэевіч у пісьмовай форме ўжо прасіў перавесці яго ў калоніі да разгляду апеляцыі. Усё ж такі ў калоніі ўмовы зняволення лепш чым у СІЗА, а пасля арышту ў Кастусёва выявілі анкалогію і яму патрабуецца лячэнне.
