Нагадаем, што рэдактар нашага сайта яшчэ ў пачатку года быў абвешчаны ў вышук унутры краіны. Падстава - абраза прэзідэнта. Пры тым, што Ігар выехаў з краіны яшчэ ў мінулым годзе. Само сабой, не зважаючы на расклееныя па горадзе партрэты Казмерчака на стэндах "Іх шукае міліцыя", яго так і не знайшлі.
Сёння стала вядома, што геаграфія пошуку нашага рэдактара пашырыла геаграфію. Цяпер Ігара абвесцілі ў міждзяржаўны вышук. Не варта блытаць з міжнародным. Міжнародны адбываецца па лініі Інтэрпола, які прынцыпова адмаўляе палітычна матываваныя артыкулы. А міждзяржаўны - гэта вышук у межах СНД, які рэгламентуецца дамовай ад 2010 года. Улічваючы, што СНД развальваецца, то развальваецца і сістэма такога вышука. Акрамя Расеі ў Беларусь іншыя дзяржавы не выдаюць людзей абвінавачаных у палітычных артыкулах.
Тым больш, што ігар Казмерчак і не збіраецца на тэрыторыю краінаў СНД. А краіны Еўразвязу перасталі рэагаваць на звароты беларускіх сілавікоў па такіх повадах.
