На 27-е чысло было абвешчана апошняе паседжанне суда па справе прафсаюза РЭП, па якой праходзяць: Васіль Бераснеў, Генадзь Фядыніч і Вацлаў Арэшка. Раніцай хто змог патрапілі на гэтае паседжанне. Нагадаем, што ўвесь працэсс вёўся ў закрытым рэжыме. Але прысуду не прагучала.
Суддзя абвесціла, што працэс мусіць працягнуцца з-за нейкіх новых абставінаў пасля чаго зноў папрасіла ўсіх пакінуць залю. Якія новыя абставіны адкрыліся за час перапынку можна толькі здагадвацца, як і ўвогуле пра хаду працэсу. У адкрытым рэжыме увесь суд ішоў не больш за 15 хвілін.
